كلمات اغنية سحابة صيف محمد اليافعي كلمات الاغاني
كلمات : الوسم
الحان : عازم
يعكّر صَفْوِ نسياني مروره طيف
عسى مثلي تمرّه هالطيوف وعَل
اغضّ الطرف واثره بالحنايا سيف
يجدّد ذكرياته كلّ ما يِنْسَلّ
نعم اشتاق واشواقي سحابة صيف
تمرّ فصول عمري ولا تزال تْهلّ !
خطاي أني رضيت بكذبة التسويف
انا الغلطان يا نفسي وانا أتحمّل
عطيته آمان من قلب امتلى تخويف
ولا شفت العطا منّه سوى بالذلّ
انا عايش بدونه ان صح هالتعريف
او اني لين هاللحظة عجزت اكمل
بنى الاوطان فيني وكنت احَسْبَه ضيف
وياليته هدّ اوطانه قبل يرحل
متعبني ولا ادري كنت احبه كيف
واحب جروحي من ايده فـ هل يُعقل ؟
انا عفته ولاني بالسهولة اعيف
قدر من ربي اللي لو يشا .. يفعل
حسافة يا الهقاوي الضايعه ويا حيف
عطانا جِل يا قلبي وكسِرنا جِل
ابتناسى ولو قلبي امامه ضعيف
حرام آشوف قدامي العمر يذبل
لأني ما قدرت آعيش عيشة زيف
يجوز البعد راحة والمفارق حَل !