كلمات اغنية شروق الوجه جاسر بن هزاع اغاني جديدة مكتوبة
عليك الصبح يتزيّن بغيمه والظلام يروف
تجمّل بالقمر لو ما ترد العين معروفه
لمحتك من بعيد وجيت يمّك جيّة الملهوف
أحب الكبِر من حسنٍ تْشرِّف كِبره وصوفه
كـأن مصافحك من رقتك مـا فيــه مـــدّ كفـــــوف
أحـسّ الغيـم ينـزل ليـن أذوّب فـي يـدي صــوفه
أجيــب التيهـه اللـي ما تشابــه تيهـة المكفــوف
ليـا شفت الجدايــل عن شروق الوجه منســوفه
يا وجهـهِ من لمحتـه ما رجع لي بالـي المخطوف
أحبــه كثــر مـا نــامــت بجِفنـي بَعــدك طْيــوفه
مَعــك ماريّـــة الكــذاب ما هـي بالكــلام حْلـوف
أنا اللي تسعفـه لا خــان حكيـــه كثـــرة حْلــوفــه
ولانـي خـايـــف الّا أنّــه يتعّبنـي عليـك الخــوف
ليـا صـرت الشجـاع اللي تخـاف النـاس من خـوفه
عَلـيّ مْـن القصــايـد ما يعلّــم ساعديــك النـوف
و عليــك مْن التغلّـي ما يــردّ النفـــس مكسـوفه
يشابـه جرحـك اللي بَعد أحبــك منّـــة المعــروف
تــراه أول جميـل تلحقه منّـــــــه ولا أعـــــوفـــــه
خذيته ضيف في مجلس حشايه والتعـب مخلوف
شمـالـيٍ يعطّـر مجلسه مــن بسـمــــة ضيــــوفه
لو يطْــول السهــر يرسل لدربـك من عيـونه شوف
ولا يحتــاج حتّـى يآصلك يمشــــي علــى شـــوفه
تحلّى خطوتك صدر البلاد و سكنـــك بالجـــــــوف
تبيـن اللي تحلّـى بسمتك مــا ينـفـتــــق جــــــوفه
كلمات | أيمــن الـرويلــي ألحان | جاسـر بن هـــزاع
