كلمات اغنية كيمر عرب حسام الرسام
كلمات : الدكتور صادق طلال
الحان : حسام الرسام
لاكيتها وكيمر عرب وجنتها
وبخدودها مثل التمر شامتها
محتارة جانت تاكل بشفتها
وعيوني تاكل بيها صارت صلفة
لا والبياض البيها حيل حنين
حتى الشرايين البديها تبين
ملمسها مثل الماي كلش لين
مرات احسها تموع كدما ترفه
ياربي سويني ولو معضدها
سويني طالب بالقسم ساعتها
خالقها جنها تكول مصنع جكليت
من السما وحلقوم تارس خدها
لمن اتغزل بيها من حقها تفز
صوتي الخشن يم الترافه ينشز
مثل المراهق هيج ضليت اغمز
وتحارشت بخدودها بلا عرفه
دارت وجها وكامت تباوعلي
كالتلي واهلك واني سبيت اهلي
حسيت عندي جناح من ضحكتلي
وبس ضحكت اني تخيلت بالزفه
وتخيلت نطلع سوى يوميه
ومن نسهر وتكعد على رجليه
ويابويا اذا بردت بحضني شويه
كلي انكلب بركان خاطر تدفه