كلمات اغنية ليلي صباحي عيضه المنهالي
كلمات : طايع بن صفيان بن طناف المنهالي
الحان : سعيد الكعبي
بالهنى يامن خفوقي مستحله
كل شي فيه لجلك مستباحي
انت غاية قلبي وشمسه وضله
ولعيونك يستوي ليلي صباحي
ياقبالا لو نشوفه مانمله
السعاده فيه واسما لنشراحي
ان تبسم خذ مزايا الزين كله
كالبدر فاول لياليه الملاحي
بالهنى يامن خفوقي مستحله
كل شي فيه لجلك مستباحي
كاعبا خذ من عنود الصيد طله
وبه من اشكال الرمك بعض النواحي
والجمال بعنفوانه خاضعا له
رسمتا فيها من الزين الصراحي
في عيونه قلت الحيلات والله
داعج مافيه روف ولا صلاحي
والهوى له درب والعاشق يدله
وانت يالقلب المتيم في كفاحي