كلمات : صالح النشيرا
ألحان : عواد العواد
الطواري كل مطلع صبح تسرج قبّا
والغلا مثل الشجاع اللي مايثلم سيفه
وانت ياللي من خلقك الله عسر ومخبّا
البرود اللي بدون اسباب ؟ وش تعريفه؟
كان قلبك من ضغوطات الحياه معبّا
وش يقول مكافح الدنيا شتاه وصيفه ؟
الشعور .. الى كبر سنه ماعاد يصبّا
لاتطوفه نشوة الحب القوي واعيفه
حاكني .. لبى .. معاليق الفواد ولبى
كل .. شي ودك اضيفه قله واضيفه
فيك .. زين واضح .. جدّا وزين مغبّا
ي الاليف اللي تضاريسك ماهيب اليفه
انت .. مايحتاج لك خطة ورسم اطبّا
الله اللي .. راسم زينك كذا من كيفه
بس يوم تقول ماعندي عسل ومربّى ؟
شفتها تلميح وانت تشوفها تصريفه
شاعرك ضيفن لامر اسمه ماهوب يهبّا
والعرب ماترحم اللي مايوجّب ضيفه
لاتقول الليل حدّه .. والديار جنّبا
قلت لك ي ما سرينا والديار مخيفه:)
اه ليت .. الناس بـ اسرار القلوب تنبّى
والله .. ان اولع الدنيا بـ قطعة ليفه:)