كلمات اغنية هدهد سبا اسعد البطحري كلمات الاغاني
كلمات الشاعر : عبدالله بن قصير الدرعي
هدهد سبا ينقل نبا قبل الشروق
لـ / بو صقر يا نور فعلاً ما اختفى
الى / حمد / الى البشاير فوق فوق
ما عنّده الا … مرحبا … بلي لـفـا
ما يرفع اسعار الهجن غير السبوق
وما يـرفع اقـدار البــشر غــير الوفا
وحمد من الطيبة لبس عالراس طوق
لين الوفا نفسه بشخصه ما اكتفا
فيها البشاير سيف لمعّه كْالبروق
كل موسمً السيف دعمه ما خفا
يبغي سبوق اسرع من انفاس الخفوق
صلو على خير الانام المصطفى
النادره بالوصف عـ الباقي تفوق
في اخـر الامتار ما تاتي .. قْـفـا
يا بكرهً انتاجها ( عمان ) وسبوق
من ركضها تعطي لمالكها الشفا
ما ينحفز لو جمعوله الف نوق
من عطفها يحس مالكها بدفى
اذا فتـح عالصوت تاتيهن لحـوق
يا لين لاهب صدر راعيها انطفا
اللي غلاها ماشي بدم العروق
من شافها جوه من الضيقه صفا
جمهورها للمركز الاول شفوق
اذا دخلت من اسمها قالوا كفا
في كل ريس الزعفران لها يسوق
يا نجمة ما تنطفى والا تغفى