كلمات اغنية وصاه محمد المنهالي اغاني جديدة مكتوبة كاملة
لا توصيني وأنا ميت عليك
من تولع فيك ما يبغي وصاه
خاطري وإحساس قلبي يهتويك
تـدري بشعـوره وتدري عن خفــاه
يا شفــاة الروح والحال الدريــك
لي بشوفـك يكتـمل معنـى الحيـاه
انته اللي ما أبيعــك أشتـريــك
واطمع بقربك وحبك لي غناه
كـل ما تطـري عليـه وجنتيـــك
أتخيـل ريــحة الــورد وشذاه
وأتصــور نـــدرة الأوصــاف فيــك
بالفعـل زينــك يشــد الإنتبــاه
من قــدم ريـلك لعطفــة حاجبيــك
فقــت من فـــاق الصبايـــا في غـــواه
التهــادي والتثنــي سحــر فيــك
ينثني نشــوان قدك من صبــاه
في حيــاتي طايــعٍ لك وارتجيك
يا رجــا منهو تعلــق بك رجــاه
وأندفـع لك من شعورٍ ما نسيـــك
هام في حبــك عليـــلٍ من عنـــاه
كلمات سالم بن عيد المهيري الحان وغناء محمد المنهالي توزيع علي الشيخلي مكساج انس الباروكي