كلمات شيلة احساس راقي ناصر العيافي كلمات الشيلات
كلمات : العنود ال ثاني
دام الوفا والحب بيظل باقي
بابقى احبك طول الايام واشتاق
ودام القدر ماجا على ما انت هاقي
وثّق غلانا في الحنايا بميثاق
احب وصلك وما اطيق الفراقي
يامالكٍ احساس قلبي والاشواق
مشيت انا بالدرب ولاني ب الاقي
في ليل فرقانا سنا شمس واشراق
وشديت مع دافي غلانا وثاقي
انسى مع طاريك ايام الفراق
اقلوبنا إحساسها احساس راقي
على النقا واللطف يحيا بالاعماق
من الغلا يسقيه بالبال ساقي
لامر طيفك وارتسم بين الاحداق
داريت انا واخفيت عنك اشتياقي
ماتشوف قلبي معك هايم ومنساق !
تعال انا ب اسألك هو به تلاقي ؟
بيلوح لي بغيوم لقياك براق ؟
يالله عسى تمطر بسيل دفاقي
يسقي يباس أرواحنا رب الارزاق