كلمات شيلة تدري احبك فالح الروسان شيلات مكتوبة كاملة
كلمات : محمد خلف الخطيب
ألحان : محمد حماد الرويلي
تدري احبك ومع هذا تعذبني
كان الامل فيك يالمغرور ترعاني
تعال كلي خطا وقف وحاسبني
ولا تقول انتهينا قبل تلقاني
الحب دنيا وفا فيها تحاربني
عرفتني مندفع لك ليش تنساني
باكبر معاني غلا تكبر وتكتبني
وباكبر نوايا غدر تصغر وتمحاني
عجزت اميز شعورك يا مغلبني
احترت بين الصدود وقلبك الحاني
ساعات احسك بكل الشوق تشربني
وساعات صدك يوقف نبض شرياني
كنك تعمد بهالدنيا تغربني
حسيبك الله لا تلعب بوجداني
اطرد سرابك وحلم النور يخدعني
واثر المسافة تخيب هقوة العاني
لو للخطايا عذر كان انت غالبني
ولو للمسافة نهاية كان تلقاني
احبك الموت وعيونك تذوبني
اعطيك عمري واعيش بعالم فاني
لجلك نجوم السما قامت تعاتبني
تبكي معي والقمر يبكي علشاني
يا شمعة الليل والعتمات ترعبني
طيفك بصحرا ضما مر وتعداني
روحي تعالي تثني من يلاعبني
في زحمت الناس والخلان تجفاني
وقتي نصيبي حبيبي من يجنبني
اتفه ظروف الزمن صارت تحداني
اليوم جافيتني بكره تعاتبني
بتقول زلت قدم سامح علشاني
مقدر اجافيك لو مهما تعذبني
في داخل القلب وحدك مامعك ثاني
تعال كلي خطا وقف وحاسبني
ولا تقول انتهينا قبل تلقاني