وينك وليش الغياب اليوم طوّل
شف عيوني من غيابك جف ماها
ليش قلبك عن مشاويري تحوّل
هالقساوة ياحبيبي وش وراها
لك شهر وأنتَ أبد مو أنت الأول
كيف قلبك كل هالصدّة قواها
والله إني من مشاعرك متهوّل
كيف ماتت وأنا مسقيها غلاها
كيف نفسك للجفا صارت تسوّل
بعت من هام بمحبتك وتباهى
ذا اختيارك وأنا عن دربك بـ حوّل
قصـتي ويّاك هـذا منـتـهاها
رح خلاص النفس طابت لاتعوّل
للرجوع ودنيتك ماأبي سماها
وينك وليش الغياب اليوم طوّل
شف عيوني من غيابك جف ماها
ليش قلبك عن مشاويري تحوّل
هالقساوة ياحبيبي وش وراها