كلمات اغنية ارحبي يوسف الشهري
غناء وألحان : يوسف الشهري
كلمات : سلمان بن زاهر
ارحبي حياك يا اغلى من تشوف عيوني
ارحبي يا مستثيرة هاجسي وشجوني
اسرفي بعناقي الين استوي بالقمرا
وارتقي بي لين أشوف ان الكواكب دوني
حمليني تهمة العاشق وجوري فيني
واسجنيني عندك الين البشر ينسوني
ما حسبت محبة الصاحب وعذل العاذل
يا عسى يفداك من حبوني و كرهوني
ما قدرت اخفي غرامك في جميع احوالي
العرب من قبل تسمع كلمتي يقروني
كان صمتي قبل لا اشوفك وقار وهيبه
واصبح الصمت القديم مبيّحٍ مكنوني
يا اجمل اقداري وغاية منوتي ومرادي
وابرك ايامي واعز العالمين بكوني
احمد الله واشكره لا خصني بوصالك
وان بدا منك الغياب الله يكون بعوني
لو ذنوبي في وصالك مرحبا بذنوبي
القلم مرفوع دامني وصلت جنوني
النحر والعنق وبحور العيون النجلا
يا غناتي كيف اغيب وكلهم يدعوني
لا ترديني من أبوابك وانا مفتونك
حصنيني بالوصل عن جيش من لاموني
والله اني ما اقدر اعيش الحياه بدونك
لو قدرتي انك تعيشين الحياه بدوني
