كلمات اغنية الدره عيضه المنهالي
كلمات :سعيد بن مصلح
الحان : مبارك بالعود
وين إنت ياللّي ير شوقي يرّه
يرّه بيرّه في المِيَر الجاري
كل ماطِفَت حرّه تولّع حرّه
والشوق ولّع بي وليلي ساري
ياليت ترحمني بوصلك مرّه
و آغوص بك بحر الهوى حيّاري
و آسير بك من وين مربا الدره
في غبةٍ ظلما بلى بحّاري
بحر الهوى ظالم كفينا شرّه
عانيت من هوله تعب و أخطاري
يامن تملّكني وعقلي فرّه
سيطر على إحساسي وكل أفكاري
كم مرّه ومرّه وكم لك مرّه
تمرّني ماكنْك عني داري
من كبرياك و نفسك المغترّه
تحكِم على لَفْت العيون إجباري
جميل م الاقدام لين الغرّه
حسنك طبيعي آيه من الباري
من الترافة وجْنتك محمَرّه
و الخد من نوره يعَكْس الواري
و الجيد لو تمشي عليه الذرّه
من رقّته سوّت عليه آثاري
و الصدر لي ير الهضيم و زرّه
مستور في لبسه وكنّه عاري
و ميدّلاتك عالمتن منثرّه
مثل الدجى ع جسمك القمّاري
أسقيتني كاس الغرام و مرّه
ليتك على حال الغريم تداري
جدلي بوصلك و الجفا يا مُره
لا تصد بي و آنا لشخصك شاري
