كلمات اغنية السولعي محمد المنهالي
من أشعار : صالح بن العنيدي
ألحان : عنيد
يا شوق يا سيد الأرامي
يا السولعي يا أتلع الجيد
هجرك بلا سبه حرامي
لا تستوي في طبعك عنيد
تليتني تل الضوامي
تل الرشا اللي يمه بعيد
وجهٍ يشع تحت اللثامي
يشبه قماري ضية العيد
شكلٍ عديمٍ في الأنامي
ماخذ ملامح قايد الغيد
منشول شعرك للأقدامي
و عودٍ زها بشكل فريد
خصرٍ خفق فيه الحزامي
معزلٍ من الوسط و يميد
كن بخدودك ورد شامي
يانع و فيه الحمرة تزيد
ثغرٍ حواء در النظامي
في شفتك جمرٍ مع جليد
و أعيان ترمي بالسهامي
عين الوضيحي في مباريد
يعل دارك ماء الغمامي
يكمل اسبوعين ويزيد
ويرتاح به حلو الوشامي
الريم ياللي قايد الغيد
