كلمات اغنية امنتك عليه احمد جواد اغاني جديدة مكتوبة كاملة
كلمات : علي البدر
الحان : عبدالله البدر
حلف عيني بعدك
لو تنام الليل
وحشه الدنيا بعدك
وانت مابيها
ياصبر الصبرته
من رحت لليوم
صبر شجره بجزيره
المطر ناسيها
ناسيني وافكر بيك
ماناسيك
ولا لحظه نسيت
ورحت من بالي
تبجيني عجيبه
من تشوف دموع
ماتمسح دموعي
وترحم بحالي
الشماته تحن عليه
وانت ماحنيت
ردتك عون اليه
وصرت كتالي
شمدريني على نيتي
جنت اصدك بيك
ماداريت روحي
بكد ما داريتك
اضمك وسط عيني
وتحجي عني اشكال
واني المشكله
من قلبي حبيتك
فوكاها تكلهم عفته
خله يروح
ماريده يجيني
ولا يدك بابي
واكذبهم واكلهم
هذا كل دنياي
لحد الان عطرك
باقي بثيابي
بس تعوفني
دمعه بجفن مقهور
هاي السالفه
ماجانت ابالي
روح ارجع عليهم
خلهم يفيدوك
بعد مالك مكان
بقلبي سديته
صوجي وحيل بيه
ماعرفت اختار
جبت الجرح بيدي
وبيه دليته
هسه المهم خلص
كل كلامي وياك
ضيعنه الفرص
مابقت اي فرصه
امنتك عليه
وكلت عد عيناك
ورجع نفس القهر
والقهر شيخلصه
ماحبك كرهتك
لا تجي ولا اجيك
بعد صارت حلم
فد يوم تلكاني
