كلمات اغنية انا وقلبي اروى
كلمات : محمد سعيد حارب
ألحان : أدهم
مابيه انا وقلبي يبيه
وجاي يساومني عليه
يبيني بالغصب اشتريه
وابيع شخصيتي فهواه
شوف التعب في نظرتي
في دمعتي في نبرتي
في شكوتي في صرختي
والصوت ما جاله صداه
جيت انا فحبه اعيب
قبل ما اعوفه واغيب
صرت في لحظة غريب
واقول في شيٍ عماه
حاولت اطيّب له جروح
استر وهي بس كم تبوح
ينكر وهي كلها وضوح
وقلبي اتعبني شقاه
والقلب هالكني شقاه
حبيته انا و غصبن علي
خلاني احبه مو بدي
وان قلت انا بهدى شوي
تدفعني أوهامي الهواه
وظنيت انا بلقاني فيه
بلقاها هالفرحة في ايديه
وضعت انا في الف ليه
ومشتني اهواءه وراه
يا لين اتعبني الطموح
والموت في عيني يلوح
كيف انسحب ولا اروح
والصبر له فايض عطاه
ظنيته لقلبي عشير
وعلى دروبه كنت اسير
الين ما اصبحت اسير
واليوم انا ما عدت اراه
واليوم انا ليه بس اراه
