كلمات اغنية انت الملك جمعة العريمي
كلمات الشاعر : سعيد بن مصلح الاحبابي
ألحان : جمعة العريمي
انت الملك وانا أسألك
برضاك وش لي زعلك
اتحط هجران وصدود
وحبك بدمي مشترك
مايستوي هجر وعتب
بلا خطا وبلا سبب
وانته على روس الهدب
كيف اتجاهل واجهلك
والحب له حد وحدود
وانا تعديت الحدود
ولاريت لك عندي وجود
ياطول صبري وامهلك
حسبتك انك بس لي
وانك حبيبي منهلي
واثري ببلوى مبتلي
ظلمتني واتوسلك
اغراني الطبع الحشيم
والصيت والوجه الوسيم
بدر ٍوحاز البدر غيم
نوره ضيا كل الفلك
ازعل وأحاول في رضاك
تنسى وقلبي مانساك
ابا رضاك ولا اباك
تعبت ما ألقى حل لك
اوعدت واخلفت الوعود
انك تزيد الجود جود
واليوم شمت الحسود
وارميتني بأسفل درك
