كلمات اغنية حكاية النور احلام

كلمات اغنية حكاية النور احلام كلمات الاغاني

كلمات: علي السبعان
ألحان: غيث محمد

يا فاطمة .. عمرك حكاية من النور
تحكي غلا قلبين جمّعهم شعور
وابوظبي ودبي قصة غلاهم
قصة منال العز والشيخ ومنصور

يا فاطمه هذي حكاية وجودك
وحكاية امجادٍ بنوها جدودك
والسر في طيبك وعزّك وجودك
يرجع إلى زايد وراشد من دهور

زايد وراشد أسسوا في زمنهم
وجدك وابوك اتوارثوا الطيب عنهم
منصور ومحمد.. رموز لوطنهم
تاريخهم في صفحة المجد مسطور

وانتي يا بنت العز سر الحكايات
لانك سليلة مجد بنت الزعامات
واسمك على ام الخير أم الامارات
اسمٍ على مسمّى ونورٍ على نور

الشعر غنّى فيك يا شيخة الزين
واحتار بين الخد والعنق والعين
لو يبحر الشاعر ويكتب دواوين
ضاعت بحور الشعر بعيونك الحور

يا فاطمه تستاهلين القصايد
يا نور شمس الحسن في دار زايد
يكفيك عن لبس الذهب والقلايد
أمك منال العز وابوك منصور