كلمات اغنية دنيا الكلف ناصر الصالح
كلمات: عبدالله ابوراس
الحان وغناء الموسيقار. ناصر الصالح
خلاص يا دنيا الكلف والندامه
ماهمني من جاء ولا أهتم من غاب
ماشي بجنب الحيط وابغى السلامه
حتى الحبايب ما أبي منهم أحباب
أحيان أسوي نفسي أبوالفهامه
وأكّذب الصادق وأصّدق في كذاب
كم جاتني طعنات خلف ابتسامه
كم ظن أحسنته وياللأسف خاب
في مجلس العمر وليالي كلامه
بثيت شكواي لقريبين وأغراب
أطيح مايبدي أحد اهتمامه
وأقوم بأوجاع الزمن وأمسك الباب
واقف علىٰ عمري أناظر حطامه
وأدور لقسوة لياليه أسباب
وبين أنقاضه وأسفل رُكامه
علىٰ رفوف الجرح ألقاني كتاب
