كلمات اغنية ساحة الميدان اسعد البطحري كلمات الاغاني
من اشعار : معالي علي بن سالم الكعبي
فالنا الناموس ..في الشوط ونوقّع
بالسبوق التيم فارق في الاذاعه
ركابنا من فعلهن سبّق تودّع
غيرها يركد وتاخذ لندفاعه
ع الرموز النا تواريخٍ تصوّع
شوطنا ناخذه ما فيه ارتجاعه
هجننا كالريح خطوتها توسّع
المسافه بينها وبين الجماعه
مثل طيرٍ هد له ضربه توجّع
كل جنحانه بعزمٍ في مطاعه
كنها صاروخ في العليا تربّع
ما يواحيه البصر لمح التماعه
كم شوطٍ تاخذه بعزم وتولّع
ساحة الميدان وتفوز بقناعه
من كواعب سبقنا وهملول بدّع
ناخذ الناموس في عزم وبراعه
