كلمات اغنية سكوت فهد الكبيسي
كلمات : سعود بن محمد العبدالله الفيصل
الحان : سهم
سكوت ومالهم طاري إذا طرّا أحد طاريه
خلقه الله لنا رحمه في خلقه وتكوينه
حكاية من الخيال اللي أمانينا تسولف فيه
وأحلام اللي يتمنى ولا قد شافه بعينه
يجي مثل الوهج لامر ويدين الثرا تحميه
مثل كف اللي له دعوة وضمّ لدعوته يدينه
يغيب ولا يغيب النور لأن مايلمسه يضويه
يشع من الصدر ضيٍّ ربط مابيني وبينه
وكنّه لا التفت سيل وتناهيد البشر واديه
ويحيي من اليباس احساس يفز لشوفه بحينه
تهادى بين شك وبين من شاف الأمل بيديه
يعلمك السراب شلون يصدق في نظر عينه
والى من مرّ في صدرك تخير مابغى وتعطيه
من أشواق وغلا وتنهيد وأنفاسك ميادينه
أبد ماهو كلام اللي حكى لأنه تولع فيه
وهو خلي ولو كانوا جميع الناس مغلينه
