كلمات اغنية سيد المكارم جمعه العريمي

مبروك يا حرّن رقى كل ميدان
نسل الرجال، أهل العزوم القوية
مبروك يا سيد المكارم ولا هان
قدرك على كل الامور، اولوية

جينا نبارك من له الطيب عنوان
(علي بن محمد) عزيت الحمية
قلنا (علي) والعزّ هامة ونيشان
حزّت الصفات العالية والنقية
افراحكم..تسعد بها ديار ووطان
وبك (يا علي) تفخر ديار العفية

الدهمشي معروف له صيتٍ وشان
نسل البيوت اللي على الطيب حية
لامن عزيته! وانتخى ثار بركان
واعلومهم جدام راس السرية
نسل الرجال اللي على العزّ تيجان
اهل الوفى والجود والنومسية

وخوالك الوافين ذربين الايمان
حلّالت الصكّات في كلّ هيّة
(ال فنة) اللي رجحوا كل ميزان
وقفاتهم عند العرب صيرمية

وانته على تاريخهم خير برهان
فيك الشيّم والنهج ماخذ هـويـه
وبوالدينك.. طاعتك برّ وحسان
هذا جزى أهل القلوب الوفية

في عرسك الافراح لك مزن هتان
تمطر على كل القلوب الوفية
يالله عسى ايامك بالافراح تزدان
دعوة من الٲعماق خاطر ونيه

كلمات	عبدالله المخيني(العمده)
أداء الفنان	جمعه العريمي
تصميم	أسامة الشرعبي