كلمات اغنية شداد العز احلام
كلمات : معتزه
ألحان : أحمد الهرمي
يا راكبْ اللي تسبق الريح يدْها
تطوي من البيداء قْفار ومسايل
شقراً تلامع من سناها زبدها
ترسي على موجٍ من الرمل طايل
تباشروا يا أهل الهجن في سَعَدها
اليوم توفي في وعدها أصايل
على شداد العز تمشي وَحَدها
ما كن فالميدان فعلٍ وصايل
طلاّبة النوماس نادوا بَعَدها
هنيّكم يا طيبها من سلايل
فضايلٍ في كتاب ربي رصدها
ومسرى نبيّه فالسنين الأوايل
لو كل شبرٍ من بلادي نشدها
عن فعل من وّحد شعوب وقبايل
عبدالعزيز اللي بعزّه نجدها
وساوى السنام بمرهفاتٍ صقايل
واليوم طاولنا البروق ورعَدها
بسلمانها هو صفوة أولاد وايل
سور البلاد اللي تناهى رغدها
وولي عهده لا زمى كل عايل
هو سترها وعمادها هو وتدها
في ظل عزك يا كثير الجمايل
حثّ المطايا يم شمسك وعَدها
في ساقتك نمشي شيوخ وحمايل
يا اخوان نوره داركم من قصدها
والله ما يعتاض عنها بدايل
