كلمات اغنية صولجانك محمد الشحي
الحان وغناء محمد الشحي
كلمات سليمان الخليفي
عصرت القلب ابحث عن مكانك
اثاري القلب من حزنه نساك
واهو اللي وصلك لي صولجانك
وحزنك كدره لما رآك
حبيب القلب اسمك ذا وسامك
عديل الروح في رسمه خطاك
خطاك انك خطيت بحق حالك
وخطاي اني عجزت انسى خطاك
تفضل قول شنهو اللي جرالك
وانا بسمع الين اوصل فضاك
وشاللي كدرك واقلق منامك
تراني مستمع لاجلك واباك
اباك تهدلي موضع حبالك
وانا بشدها عنك وهاك
وهاك القلب ينطق ما جرالك
واهواللي حزن القلب وبكاك
اخذ قلبي وخل يجلس عدالك
تسجن به وونس به رضاك
رضاك تكون كلك في مجالك
مجال الكحل في عين تراك
تراك اقلقت قلب صان حالك
ابيك تصونله حالك وفاك
وارجع بس ولا اسمع صدى لك
تقول ارجع ويرد صوتك بلاك
بلاني بالزمن واحد مثالك
حبيب مغترب يطرد صداك
بعد فرقاي من غيري صفالك؟
يصفي قلبه الصافي معاك؟
منو اللي يرخص قليبه فدالك؟
انا كلي تحت امرك فداك
حلت دنياي من قربك حلالك
حلالك خذ وحقق مشتهاك
