كلمات اغنية عرفتوه بلقيس
كلمات : مشاري ابراهيم
الحان : عبدالعزيز لويس
مو طبيعي فجأه راجع كله أشواق
موت مشتاق
حتى الفراق
بكل صدمه يشوفه
والظروف اللي خلقها واللي سواه
وصدّه وقساه
مدري شجاه
ورضت فجأه ظروفه
عرفتوه
اهوه نفسه اللي ذكرتوه
مدري خانوا مدري خلّوه
من ورى شمسه رجع هيمان ب أرضي
عرفتوه
اللي أبدع لي بِ الجْراح
اللي لي ما كان مرتاح
كنت ما انفع له وصرت أنفع وأرضي
وش وصّله لمرحله إنّه يردّ أسهل
أصدّق اللّي الحين ولّا أصدّق الأوّل
إبكلمتين ودمعتين وتكفى لا تزعل
متوقّع إنْ أحنّ له والوضع عادي
مصدوم من شوقه ومن إحساسه الطارئ
لنّ الوله ماله صله وهم مثلي تفاجئ
راح بْغرور وردّ لي متواضع ولاجئ
وبقربه ما حبْني كثر حبّه ف بعادي
من يعاني النّرجسيه وشوفة الحال
قلبه تمثال
عمره ما مال
وحبّ إنسان غيره ،
ما يحبِّك لكن يحبْ نفسه ويّاك
ب إسم يهواك
يلغى رضاك
إلى أنْ تصبح أسيره
عرفتوه
اهوه نفسه اللي ذكرتوه
مدري خانوا مدري خلّوه
من ورى شمسه رجع هيمان ب أرضي
عرفتوه
اللي أبدع لي بِ الجْراح
اللي لي ما كان مرتاح
كنت ما انفع له وصرت أنفع وأرضي
في ناس نربح حبْها من لمّا نخسرها
علاقه مسمومه وحلوها أقلّ من مرها
والنّفس إذا عافت أحد تمنع مشاعرها
لا داعي لحبْنا إذا منّه بنعاني
لو كنت أدري لا أبتعدت ابيندم ويرجع
لا ما صبرت أيامها وكان إبتعدت أسرع
هذي عيوني ومنًها أي غالي بيطلع
يتفضّل وينسى يردً لعيني ثاني
