كلمات اغنية قدر قدر عيضه المنهالي كلمات الاغاني كاملة 2022 حصريا
كلمات :اصايل
الحان البحر
قدر قدر واللّيله اللّيله ترا ليلة شعر
واللّيله اللّيله القصيده بكل شيٍ فارقه
لن الشِّعر لو مازج الإحساس يترك لك أثر
وأجمل قصيده في الحياه تكون لازم صادقه
يا ما قصايد تنكتب وتموت في أوّل شطر
ويا ما قصايد في خيال الشعر تمّت عالقه
ويا ما قصايد عايشه واللّي كتبها في القبر
عاشت مع روح الشّعر وأهل الفكر والذّايِقه
فيني وله وفيني غلا وفيني من أيامي صبر
والوقت يمشي والثُّواني في ضميري حارِقه
عكس النّوايا تِفتح عيونك وحِلمك ينكسر
وتلملم أحلامك وروحك من زمانك ضايقه
اشتقت لك واشتقت لك والشّوق ما منّه مفر
ويزيد حب الشّي أكثر لا اجبروك تفارقه
وأنا فوادي فيك ما يِسمع من آراء البِشر
لن البشر آرآءها متعاكسه ومِتفارقه
تدري وش أكثر شي يشبهني وانا عكس البحر
أشياء كثيرة مبهمه وأشياء كثيرة غارقه
في داخلي حص البحر وفي داخله يمكن غدر
يعطيك شيٍ تاخذة وفي شي ثاني سارقه
ياما كتبتك شعر بإحساسي وأنا كلّي فخر
وانا كِتبتِك نور في كحل الليالي الغامقه
وإن كان روض الشّعر ما كفّاك بكتِب لك عمِر
ودقات قلبي فدوتك ياللّي بفِكري شارِقه
