كلمات اغنية كاسر تيم حمد العامري
كلمات :حمدان السماحي
الحان: عبدالله المعمري
طلت قمر والعين عين الريم
كيف القمر يحضن بوجهه ريمه
سحر الجمال وروعة التقسيم
غني على قلبي لحن تقسيمه
فيك الحلا والزين كاسر تيم
وفيني الوله والشوق كاسر تيمه
اهواك واحبك وفيك اهيم
وارخصت لك روحي مقام وشيمه
كنك على بحر الوفا تكريم
ياحظ من وافاك في تكريمه
ولو لا المحبه والغلا ترسيم
انته الغلا ف حدوده وترسيمه
غنمت حبك يالغلا تغنيم
وتصوع احساسي على التغنيمه
خذها من الاخر على التقديم
ياتاج كل الحسن في تقديمه
عطني يدينك من دون سين وجيم
مال الحياه ابدون شوفك قيمه
اتنفسك بإحساس نبض الغيم
كنك على صحرا فوادي غيمه
طلت قمر والعين عين الريم
كيف القمر يحضن بوجهه ريمه
سحر الجمال وروعة التقسيم
غني على قلبي لحن تقسيمه
