كلمات اغنية لا تترك القلب ماجد المهندس

كلمات اغنية لا تترك القلب ماجد المهندس

لا تترك القلب دام القلب في يدّك
إن طاح منّك ~ أكيد إنّه بيتكسّر
ما ودّي إنّك تفارقني ، ولو ودّك
بكره بتبكي على الفَرقا وتتحسّر

أوّل تراعي شعوري من قبل ردّك
علي ، وشلون تتمادى وتتجسّر !
لا صار ودّك فراقي ؟ إبشر بْـ ودّك
حتى ولو ضاقت الدنيا ، بتتيسّر

ما كنت تحلَم ، وأحلامك على قدّك
والحين حلمِك على فرقاي يتفسّر !
صدّقني باكر تجي دمعك على خدّك
وتْلاقي قلبك على ذكراي ~ يتأسّر

حتى ولو صرت ضدّي آنا مو ضدّك
لكن على الحُب أكيد إنّك بتتحسّر
ولا عاد تسأل على قلبي وهو بيدّك
القلب عندك ، ولكن طاح وتْكسّر

كلمات : أحمد الصانع
ألحان : إبراهيم الغانم
توزيع : وليد سلطان
وتريات : تامر فيضي
جيتارات : شريف فهمي