ما بدّي إترجّاكي حتى ترجعي
ولا بدّي منك لو بكلمة تودعي
وحتى إذا نعوة بإسمي بتسمعي
لا تحزني ولا يوجعك قلبك علّي
فلّي وراكي اليوم وما تتطلعي
وشهقات صدري من البكي ما تسمعي
وحتى إذا حنيتي لا ترجعي
ولا تحزني ولا يوجعك قلبك علّي
بيكفي انا توجعت ما تتوجعي
عيشي حياتك بالهنا و تمتعي
صار الوقت قوليها يلا تشجعي
ولا تحزني ولا يوجعك قلبك عليً
مات الألم ما ضل بكي بمدمعي
ونشفت عروقي لما ما عدتي معي
ريحي روحي والنفَس عني اقطعي
ولا تشيلي هم الإحساس ميت
من دون ما تحكي حكيتي بلا وعي
كل شي انفهم ارجوكي بيكفي تدعي
إنسي إذا بتريدي شو عملتي معي
مش صوتي هيدي الروح عمتطلع معي
روحي عم تفارقني من روحي اطلعي
ارتاحي انا وعم بموت ما بقلك تعي
ولا تحزني و لا يوجعك قلبك عليّ
