كلمات اغنية لو قدها عبدالله
كلمات : محمد القاسمي
ألحان وتوزيع : عبدالله آل سهل
لو صدق قلبك حبني
وأنه عشقني بكل جنون
عطني وعد ما تسيبني
وانك معي دايم تكون
وانك حبيبي تحطّني
ما بين رمشك والعيون
وانك أبد ما تبيعني
وتشوف غيري أو تخون
وأنا أوعدك لو كنت جاد
والحب حلمك والمراد
أعطيك حبي والوداد
وما أحب غيرك يالحنون
لو قدها وقت الشداد
لا تصير نيرانك رماد
وإن كنت ناوي عالبعاد
لا تحب ولا هم يحزنون
لو صدق ناوي ومستعد
نبقى سوى طول الحياة
أوعدني وأوفي بالوعد
وأبشر بقلبي وكل غلاه
إما نكون روح و جسد
ما أحدٍ يفرط في هواه
أو غيب عني وابتعد
قلبي غرامك ما بغاه
وأنا أوعدك أوفي معاك
والقلب ما يعشق سواك
وأني أكمّل في هواك
مهما حصل مهما يكون
لو قدها وقربي مناك
وأوفيت أنا روحي فداك
وإن شفت غيرك يا ملاك
يجعل عيوني يعتمون
