كلمات اغنية لو كنت اكرم حسني و هيفاء وهبي كلمات الاغاني
كلمات والحان : أكرم حسني
لو كنت ارنب كان اكيد هايبقي الفيل صديقي
لو كنت مجلة كنت هاكون سمير مش هابقي ميكي
لو كنت خاتم طبعا كنت هاتألمظ عليكي
لو كنت جبل طارق انا كنت سألتك عن مضيقي
لو كنت مسابقة كنت هابقي مسابقة اختيار ملكات جمال و اشوف بنات جمال و هناك انا هاشتكيكي
( هيفاء )
لو كنت كتاب انا كنت هابقي كتاب عن الجمال
لو في سؤال عن الدلع انا إجابة السؤال
لو كنت سكة هاكون يمين انا عمري ما أكون شمال
معادلة صعبة و حلها محتاج الف احتمال
لو كنت لعبة كنت هابقي عروسة باربي لابسة بمبمي اما قلبي عمره ما يلعب بيه عيال
( اكرم )
لو كنت يوم و فات كنت ابقي يوم تلات
مش عايز اكون كلام انا عايز اكون سكات
لو كنت هابقي حاجة مهمة من الحاجات
انا هابقي سمايلي فيس مكشر في جروب امهات
( هيفاء )
لو كنت قطة حلوة كنت هابقي اكيد سيامي
لو كنت حي اسكندراني كنت اختار ميامي
لو كنت فلفل احمر كنت هابقي قرن حامي
لو كنت بتفهم في الكلام يبقي هاتفهم كلامي
لو كنت اله حادة كنت هابقي حابة احط حد لاي حد مش عاجبني و طظ ف الاسامي
( اكرم )
لو كنت اكلة كنت هابقي بط بالفريك
عشان البط بالفريك مابيحبش شريك
لو كنت ورقة بتتمضي انا كنت هابقي شيك
لو شفت أي فرخة اكيد ساعتها انا هابقي ديك
لو كنت جيم مستحيل كنت ابقي ميكس و احط اكس علي الولاد و هدخل اي بنت شيك
( هيفاء )
لو كنت يوم و فات كنت ابقي يوم تلات
مش عايز اكون كلام انا عايز اكون سكات
لو كنت هابقي حاجة مهمة من الحاجات
انا هابقي سمايلي فيس مكشر في جروب امهات
( اكرم )
لو كنت كرسي كنت هابقي كرسي الاعتراف
لو هابقي شكل هندسي هاميل للانحراف
لو كنت دفتر كنت هابقي دفتر انصراف
انا كنت هابقي حاجة جامده بين حاجتين ضعاف
لو كنت وجبة طبعا عمري ما كنت هابقي سوشي لا
اسف مالمسوشي او اقرب منه حتي لو نطق قصادي عمري ما اكل منه حته
( هيفاء )
لو كنت عين مغمضة كنت ابقي بردو شايفة
لو كنت كلمة هابقي صادقة .. مش هابقي زايفة
لو كنت لمبة هكهربك و عليك مش هابقي خايفة
لو انت اكرم حسني لا معلش انا بردو هيفا
