كلمات اغنية لو يضيق الصدر اصيل ابو بكر
من أشعار : سمو الشيخ حمدان بن محمد بن راشد آل مكتوم
ألحان : فايز السعيد
لو يضيق الصدر وتخيب الظنون
ولو يخون الخِل و يشيب الوله
ولو يعاف القلب و دموع العيون
فوق خد الشامخين محوّله
مستحيل اصبح كما هم يحلمون
من يساوون الردى بالمرجله
انا فارس حاضره لو تكرهون
يفتخر به في سما مستقبله
ما يشيب الشوق يا دار الفتون
في فؤاد العاشق اللي يحمله
لو تخون الود مثلي ما يخون
إعتذر منّي و عذرك باقبله
الشريف مْكرّمينه ، ما يهون
والكريم ، الله مشرّف منزله
والرجل ما يشتكي كثر الطعون
لو بعضها من حبايبه وْ هَله
السنين التاليه فيها جنون
إرجعي لي يالسنين الأوّله
ليت غير الكون هذا فيه كون
يمكن آهاجر لو ان كلّي وله
