كلمات اغنية ماضل مكان ايفان ناجي

كلمات اغنية ماضل مكان ايفان ناجي كلمات الاغاني كاملة

كلمات : ابو حسن العقابي
الحان: علي صابر

ماضل مكان ومارحت
بي عنك انشد واسأل

وينك تعال ابكل وكت
دورتك و ما اندل

من شوكي الك راح انتهي
المفروض ما اشتاك الك
غير انت عايفني بوكت
اني بأمس الحاجه الك

لمن حرت كوه عشت كاره الدنيا بدونك
والله وكت اني صرت اتمنى اشوف عيونك

شبعت شماتي ضحك
ترضاها هيج اني انذل

ذليتني واني الجنت
عند اهلي حيل مدلل

لو ادري ما تبقه الي
جا ما هويتك هلكد

ولا ما عليك اتعلمت
وحبيت كلبك الاسود

كافي ارد اشوفك بالصدك مليت واني اتخيلك
تعبي و عذابي وحيرتي شي مو مهم بالنسبه الك؟

هذا التعب كله بسبب بُعدك عليّ واهمالك
عفت العتب بس شعجب ماتذكر الحب مالك

ساعه اختنك ساعه احترك
وما يهده كلبي ويبرد

هاي النجوم البالسمه
من يمها صرت انت ابعد

شسويت بيه بفركتك
ذبلت كلبي وعيني

عايفني ريه ابلا هوا
مدري المن مخليني

لو تعرف بكلبي شكثر ايحن عليك ورايدك
عني ظروفك شغلتك لو غيري واحد ماخذك

بعد القرب صرنه غرب شلون تقبلها انته
كلش صعب عندي كلب بفركتك دمرته

لا انت يمي او لا شخص
غيرك يجيني يواسيني

شكد حاولت انسه ترى
والبيه ميخليني