كلمات اغنية ماعنده كلمة خالد الحنين كلمات الاغاني ماعنده كلمة كاملة
كلمات – ادم
الحان – شميم
اتركني روح بفالك .. بس خلي هاي ابالك
باجر مكاني تصير هم تنغدر
اوگف شويه گبالك .. لو مره حاسب حالك
انته الهدمت انسان ما ينكسر
العله لا مو بيك العله بيه
انه الكسرت هواي روحي القويه
لا بيه ما تنلام .. اعتب على الايام
حتى الوكت وياك صاير عليه
اني الغلطت اوياك لتگلي اسف
انه الاضمد بيك بس جرحي نازف
عايش جنت خسران كل المواقف
مرتاحه روحي وياك بس گلبي خايف
وياك صعبة اتفاهم .. وانه ادري ما نتوالم
بس مدري گلبي شبي عايز قهر
اذيتني يبن آدم .. شمتت بيه العالم
مو گلبي بين الناس ضهري انكسر
روح الله لا ينطيك واحد يحبك
بگد ما عشت ندمان الله يتعبك
تدري انت عفت انسان .. ماعنده غيرك جان
باجر ضميرك راح يصحه ويعذبك
انه الجرحني انساه بيد الله اسلمه
وعفته بضمن الاشياء غير المهمه
الدنيا بعدك شوف علمتني حكمه
ما صدگ بأنسان ما عنده كلمة
