كلمات اغنية محلا اللقى ماجد المهندس الكلمات كاملة
كلمات: الشيخ عبدالله بن حميد القاسمي
الحان: احمد الهرمي
كلمات الاغنية:
محلا اللقى وياك يا شوق محلاه
محلا نهاره و يا حلاها لياليه
ألقاك و كل الود في قربك القاه
و كل الهنا و الحب عندك ألاقيه
حبك بقلبي لا و لاشي يسواه
عمري و روحي كلها ما تساويه
أغلى من الغالين يا زين والله
تآمر على قلبي و انا اقول لبيه
اجيك باحساسٍ وصل قاصي اقصاه
وازف لك شوقٍ عجز قلب يحويه
يا من جبينه نور الكون بضياه
والورد من خده خجل وانجبر فيه
كلن على جوه يغني بليلاه
وقلبي على دربك يعجّل خطاويه
ويوم التقيبك قلت ذا اليوم محلاه
محلا نهاره ويا حلاها لياليه
