كلمات اغنية مغنّ الزين دحوم الطلاسي كلمات الاغاني
كلمات : جمال الشمري
ألحان : فلكلور
يا خالد الشعر مبطي وينه وويني
جنبت طرق القصيد العذب ولحونه
ابعدت وانا قصيدي يلفت العيني
يسلب عقول الخلايق يوم يوحونه
يا لين طلّت مغنّ الملح والزيني
طلّة غنى ردّت القصاد لـ شجونه مغنّ الزين
يوم انبهر من جمالٍ يسلب العيني
جته القريحه وهي من قبل مدفونه
يا عين شيهانةٍ بين الشياهيني
على ابرق الريش والمطلاع مفتونه
ويا عنق ظبيٍ سكن محمية العيني
ولا مهاةٍ رعت في شبك بينونه
يا حلو ضحكة شفاهك لا لفيتيني
ما تشبه الا صباحٍ تقطر مزونه
انتي ذهب من عيار اربع وعشريني
من ندرته صاغته عيّوا يبيعونه
تجاذبوك الحريّص والحماديني
يعني عن العيب محفوظه ومصيونه
يا بنت حرٍ معي بالعسر والليني
واليا تضايقت شفت السعد بعيونه
عوج المراكيض وكعام المعاديني
يا سعد منهو ذوي عونٍ غدوا عونه
