كلمات اغنية نهر النيل منير البقمي
كلمات : فهد ابراهيم الجعيد
الحان : منير البقمي
تبسّم يانهر النيل لو شفت قلبي مال
ترى القلب شايل قلب والعين سهرانه
ما تدري عن اللي فالحشا حط له منزال
سكن وسط قلبي واقفل القلب بيبانه
ولا غاب عني كن في داخلي زلزال
غيابه يهز القلب ويهدّم اركانه
على شان شوفه كيف اسوي وكيف احتال
خذا كل شيء وحطني وسط زنزانه
انا طالبك تاخذ رساله معك فالحال
تغير مسارك كلها حشمة اعيانه
ابا اكتب بدمي والرسالة تهز إجبال
من اعماق قلبي جاك نزفه مع الحانه
دواعي الغرام اللي تهيّض على الرجال
وترميه في غبة بحر مالها خانه
يازين الهوى والعشق والدمع لامن سال
على واحدٍ يستاهل الشعر واوزانه
اشوفه وانا بيني وبينه دول واميال
اشوف السحاب اللي على صورة انسانه
وطيفه معي موجود فالحل والترحال
عروق الغلا والعشق بالحيل مليانه
وسخرت له شعري وغنيت له موال
ويفداه كل الشعر وزنه وقيفانه
