كلمات اغنية هتان ماجد المهندس كاملة مع المقطع المحذوف من الاغنية
كلمات سمو الشيخ ناصر بن حمد آل خليفة
الحان احمد الهرمي
الليالي برد وأشواقي هبوب
والشتا يذبح وأشوفك بأوله
يا غناة الروح ما غيرك ينوب
والتعب راحة معك وأستسهله
الليالي برد وأشواقي هبوب
والشتا يذبح وأشوفك بأوله
يا غناة الروح ما غيرك ينوب
والتعب راحة معك وأستسهله
وإنت في صدري مقدر ومحسوب
وبعيوني لك مقام ومنزلة
جيت لك ولهان وعيونك دروب
ما حسبت حساب دربك ما أطوله
وعن جمالك ما قدرت أبعد وأتوب
كيف أتوب وربي اللي كمله
كأن في عينك نزاعات وحروب
ترمي القلب بسهمها وتقتله
يا حبيبي (يا حبيبي) والهوى نبض القلوب
(وكل نبضة لك بالغلا مسترسلة (مسترسلة
كأنها الهتان (الهتان) في عرض النصوب
يحي أوراق الغصون الممحلة
كن في خدك مثل شمس الغروب
وله مثل الجمر لا زاد شعله
ويش اوصف فيك يالخشف الطروب
وانت كلك ياهوى البال اقبله
عن جمالك لو دروا اهل الجنوب
صارت الخطوات لاجلك مشمله
واجتمع كل البشر من كل صوب
وكل عاقل بان طيشه واجهله
يا مسبب مشكلة بين الشعوب
خش زينك لا تزيد المشكلة
ودك ان زينك عن الناس محجوب
وما يشوفك غير من له بك صله
لأن شوفك ذنب من ضمن الذنوب
ومن شرع في الذنب يجزى بأعمله
غير أنا جيتك وفي صدري شبوب
وإنت بإيدينك تحل المسألة
لأن شوفك ذنب من ضمن الذنوب
ومن شرع في الذنب يجزى بأعمله
غير أنا جيتك وفي صدري شبوب
وإنت بإيدينك تحل المسألة
ضمني بالهون ياعذب السلوب
قبل تاخذني الثواني المقبله
والله ان الوقت بعيونك يذوب
يسرق العشاق ويزيد اعجله
ودي اعلمك يا اغلى محبوب
عن مثل تضرب عليه الامثلة
من جهل قدرك عرف معنى الرسوب
ومن عرف قدرك ضمن مستقبله
