كلمات اغنية وجهك سعاده بدر العزي اغاني جديدة مكتوبة كاملة
كلمات: فيصل بن منيع
يقودني للقبال الزين شوق و ميول
ويردني ل اجتناب الذنب دين وتقا
الحب ماهو مكابر وارتفاع ونزول
يجوز فيه التغاضي في سبيل البقا
تقتلني النظره اللي من عيون الخجول
رصاصةً من تعرض صوبها ما وقا
والحب ماهو تحت رحمة عنيد وزعول
اللي فتح سيرته يصبر على مالقى
يالفاتن اللي ليا مريت مني عجول
وجهك سبب للسعاده في حياة الشقا
اناظرك من بعيد وماعرف ويش اقول !
العمر مره وانا ودي نصير اصدقا
واقابلك من قريب ولا لقيت القبول
وافرح بشوفك مثل م اخشى من اخر لقا
خوفي يضيع الأمل وافقد جميع الحلول
وايامي الماضيات اكثر من اللي بقا
الله يبطي بيومي وانت عمرك يطول
الين ربي يتمم هقوة اللي هقا
واذا عرفت الحقيقه لاتقول مهبول
انا تراني نقي والقصد صحبة نقا
