كلمات اغنية يادنيا من انتي له شبل الدواسر
كلمات :مطلق بن شويه
الحان واداء : شبل الدواسر
يازول صفراً تدوس الروض بالحافـر
من مربط ٍ تنعرف بين العـرب خيلـه
الله عطـاك الجمـال البـاذخ السافـر
اللي ماشفتـه علـى لباسـة الشيلـه
في عيونك السود مايؤمن بـه الكافـر
رمش ٍ تبـرت بناتـه مـن رياجيلـه
والصدر توه علـى اول زمتـه نافـر
لا واهني من تقهـوى مـن فناجيلـه
متقابله شي متوضـي وشـي عافـر
كل ٍ يصلي ولا ادري من يصلـي لـه
جنيت منك التفانـي والغـلا الوافـر
يبطـن الايـام ماتبـطـل مفاعيـلـه
وجنيت منـي ذنـوب ٍ مالهـا غافـر
لو يغفر لمن غزا مكـه علـى فيلـه
كم لي وانا منك لا داسـم ولا ظافـر
ياويـل قلبـي عليـك ومنـك ياويلـه
جيتك من أقصى الدروب وبكره مسافر
على مواويل ( يادنيا من انتـي لـه )
عطني من الوصل لو بروس الاظافـر
ان شفتـك اليـوم والا شفتـك الليله
