كلمات اغنية يجييك الله عمر
لحن وغناء / عمر العمر ( نغمة وتر )
كلمات / مهره
لقيت فيك أحلام عمري وأمانيه
ومثلي تعايش في الليالي بـ أملها
مابين باريس و هواي ولياليه
نفسي سعادتها تغطّي زعلها
مادام تضحك لي صفاوه وترفيه
عند الأماني حظ عمري شملها
أشوف وجهك فـ البلاد ومبانيه
في قلب باريس وعلى وجيه اهلها
بيجيبك الله ياحبيبي عن التيه
سكّه لها روحي من سنين ولهى
مافيه مثلك حيّ أفرح بـ طاريه
وما فيه مثلي من قدومك شغلها
نفسي (عظيم اقدار عمري) تناديه
تستاهلك.. مردود طيّب عملها
بلقاك في ليلٍ طويله مساريه
وتصبح ملاذ الروح سلوى وملهى
لي فيك حلمٍ كل ماطوّل اغليه
لاشافتك عيني من الشوق سلهَا
قل انتي لك شوقٍ تمنيتي اجيه ؟
في ليل باريس وسوالف غزلها ؟
