كلمات اغنية يسالوني فؤاد عبدالواحد اغاني جديدة مكتوبة
ألحان: أسامة العطار
يسالوني ليه عشقك حلّ في زرق العروق
وليه لامن غاب زولك انطفي واشبّ شوق
تختلف الأذواق يمكن .. بس يبقى الحب ذوق
حبنا ما يفهمونه لو بعد عمرٍ طويل
حقهم لو يسألوني يا بعد كل البنات
ما احدٍ منهم عرف سحر العيون الناعسات
دعجك اللي بالحلاوه والغلاوه ذايبات
كنها شمس الغروب ورمشها ظلٍ ظليل
ليتهم قبل اسئلتهم شافوا حسنك يا ظبي
كان حسوا عنوتي لك واجبه من بوظبي
الله شاهد من عشقتك صرت ميت في دبي
يا حياة الحب واضح ماهو بحاجة دليل
يا حلو منك التغلي يا حبيبي والدلال
يا غرورك لي ذبحني والغنج زادك جمال
انتي م الاخر جمالك حاجه من وحي الخيال
لا حشا مالك شبيهٍ وسط قلبي ولا بديل
يا سلام الله على الدنيا بقربك يا سلام
يا جمالك يا دلالك يا حلو معك الغرام
إنتي م انتي سالفة عشق وتعدّي والسلام
إنتي واقع ما يتغيّر في حياتي مستحيل
كنتي حلمي من سنين وغايتي واغلى ومناي
وصرتي قربي يا غناتي وجابك الله يا غلاي
ماني مصدق عيوني؟ بالفعل انتي معاي!
الله حقق لي مرادي واكتمل حلمي الجميل
