كلمات شيلة انت الوحيد محمد البريكي
لو العمر يازين ماينتهي بـ موت
ولا ليالي الوصل تعرف قطاعه
ولوهي المسافه تجبر السمع لصوت
لاجيت اصوت به يصل لك سماعه
يامن بدونك صعبه ايامي تفوت
ويضيق بي كوني وكل اتساعه
ياالله يامنجي نبيك من الحوت
نج الفواد الي يعاني وجاعه
الي بجوفي كنه الغام موقوت
مسجل خطر ممنوع قدر استطاعه
ياصاحبي بـ الجوف لك اسم منحوت
محجوب عن عين الحسود بمناعه
كل حرف من اسمك زمرد وياقوت
اسميته وصغته بـ فن وصناعه
لك بـ الحشا مسكن ومشرب ولك قوت…
لا تخاف حرب ولا تهم المجاعه
انت الوحيد الي لك الروح بـ ثبوت
لا قلت وين الروح لبت بساعه
يا سكري مملوح بو ثغر به توت
يا عشقي الي فيك عشقي بقناعه
نظرتك يلبسني بها سحر هاروت
وقلبي لها لبى بسمعـ(ن وطاعه
ورمشك تحكم بي وكني بريموت
يرسل وانا استقبل واهيم بضياعه
