كلمات شيلة على دلعونه ماجد خضير

كلمات شيلة على دلعونه ماجد خضير

كلمات : سلطان بشير

سامح الله طرقةٍ جابت على دلعونه
ضيقت صدر الغريب الي يعد ايامه

يوم سرى موتره تكى على طبلونه
كن قلبه نايشه مخلب فديغ الهامه

الطريق الي يودي ديرته وشلونه
جعل يسقيها السحاب الي يضف ركامه

ما سريت الليل كله غير لجل عيونه
ودي احرر خيالي واستثير الهامه

واتمثنى حيهم وتخف رجلي دونه
واستحي من شرهةة النقاد واللوامه

حتى لو عذري كبير وعارفٍ مضمونه
بيتهم والله يا دوب تمر من قدامه

عندهم بنتٍ فروع وناقتن مزيونه
وبلشوا من كثرت الخطاب والسوامه

ردهم من دونها عودٍ على حاجونه
من غلاها ما يقلدها بغير عمامه

تلتهب مثل اللتهاب الصلفه المعنونه
في ملز الخيل راحت شدتين وقامه

تلبس الثوب الحرير الي يضف ردونه
ما عرض فالسوق كله منه ولا خامه

من غلاوة قيمته يبطون ما يشرونه
ما يلق الا على عنق الظبي والقامه

الغزال الي مثل جنح الظلام قرونه
لا انثعل جاب العبير الي تهب انسامه

فارقه ربي سوات الدره المكنونه
جعل تلعات العذارى فدوةٍ لقدامه

ودي امشي عند شفه لا تخيب ضنونه
مير يردعني هوى الطيّب عزيز الهامه

علموه ان الوعود الساميه مقرونه
لا يقفي والجفا راعيه في دوامه

على دلعونه ماجد خضير