كلمات شيلة عيون الوصل فايز الدوسري

كلمات شيلة عيون الوصل فايز الدوسري

كلمات: تركي بن عبدالله السكران

العيون أللي عن العالم خذنّي
عجلن ذبحي وتوّ الروح حيّه

ناظرني يا أبو فالح وأشغلني
شف سواد الليل بالعين النديّه

والحِجَاج أللي على الجبهة فتنّي
لاتحرك غار كلٍ من خويّه

شدّني سلّهام رمشه وامتحنّي
مارحم حالي ولا خفّف شويّه

آه ياعيون رمنّي وأذهلني
والرموش جيوش درع ومدفعيه

فيها حور وفيها نورٍ واسلبنّي
عقلي وقلبي وفكري دون سيّه

ترسل سهوم المنايا باغتني
من غرور …وكبرياء وجاذبيه

ليتهن ياليتهن ماصادفنّي
وسددن سهوم للخافق قويّه

مسّني مسًّ ماهو بـمسّ جنّي
وطحت طيحه ولاحدٍ سمى عليّه

هذا حظ أللي من الحب متعنّي
ذوّب إحساسه معه ألفين كيّه

من لحظني بس أهوجس به و أونّي
نار شوقي لشوفته بالجوف حيّه

ياعيون الوصل بالله سلِفنّي
نومةٍ تهنى بها العين الشقيّه

وهاتن الغالي معي في حلم كنّي
جالسٍ. ويّاه جلسه عاطفيه

نتبادل همس ونقول ونغنّي
المحبة طبّ للنفس السويّه

ومن جروحٍ ماضياتٍ عالجني
خوف قلبي قربت إلّه المنيّه