كلمات شيلة غايتي ومُناي الوليد ال عامر
كلمات : راشد ال مسعود المري
البروق اللي تكاشف في الظلام الحالك
ناض قلبي قبل تمطِر مِزنها الهمّالـي
مرحبا يا منوة اللي يوم خذْك ونالـك
عاف كل وجيه خلق الله وجاه جْفالي
يوم لفّيت السواد اللي زهاك بـ شالك
قمت اعدّل غترتي واعدْل ميل عقالي
انت مالك اربعين اشباه غير ظلالـك
يا فديييت اللي تعمّد ضيعتي وضلالي
سو ما تبغي وما ودّك وما .. يحلا لك
في عيوني لك ديار و فـ الحشا مدهالي
مثل ما لاذ بـ يسـار شفاك حبّة خالك
لذت بك لوذة غريبٍ من دياره جالي
والبيوت ان ما زهت جيدك مثل سلسالك
جعل ما يارث قصيدي واحد من عيالي
المحبّه والغلا لك والوصال وصالـك
وانت تدري انّك مُناي وغايتي وآمالـي
لو اعيش العمر بين قفايتك .. وقبالـك
عادك اسما من هويت وعادك أنت الغالي
