كلمات شيلة مامثلك وطن غريب ال مخلص
كلمات : تركي الأسمري
سلام أزكى من الكادي وعطر فايح شذوه
أوصلها لأوطاني من أولها لتاليها
يخلد في زمان الغرب تاريخ له السطوه
عزيمة فارس يبني من الأمجاد غاليها
محمد بن سعود اللي كما همل برق نوه
مؤسس ملك هالدولة وحط أول مبانيها
ونجد توشحت فارس له العزم وله العزوه
ومكن راية التوحيد مع شيخه وقاضيها
وأخو نورة سليل العز وحدها وبالقوة
بحد السيف تل الترك واللي من طواريها
وسلمان الفخر والعز يكرم شعبه بعفوه
ولأجلك يامليك العز أسطر لك معانيها
ويامحمد ولد سلمان كل الشعب لك فدوه
تروح أرقابنا دونك وندحر لك معاديها
جبال طويق همتهم رجال تعرف النخوه
وأنا سعودي وبمجادي بمجدها وبحكيها
أجيب البيت تلو البيت أقول الشعر من حلوه
أضم الحاء أسكن باء وحرف الياء يراضيها
فداك الرأس وعقاله فداك الشعر من فحوه
ولامثلك وطن يارب تحمي كل أهاليها
