كلمات شيلة مسفر السندوانه شاهين كلمات الشيلات
كلمات: حمد بن ناصر بالبحري المحرمي
يالسندوانه لحنك اختار
وانا عليه جزل لبيوت
شاهين ما خلا لنا اعذار
وراعيه لي بالطيب منعوت
يوم التقو و اسامي كبار
هجنً لها ماضي ومثبوت
م الدار واللي خارج الدار
واللي ظفر بالرمز مبخوت
مسفر السندوانه
اتقدمن ع حبل الستار
متجهزات ل عين جالوت
امن البدايه بأول امتار
عدها الهجن بالشبر والفوت
شاهين منهم عزم وطار
ما يلتفت لو خلفه اكروت
من الظبا ماخذ و الامهار
سرعه تخلي العقل مبهوت
ضلعً غزير اتقول دوار
كن بين ضلعينه رئة حوت
من غاربه يا لين لفقار
مرسوم متقسّم ومنحوت
حراً وفوق يمين صقار
ماياك متغربل ومسحوت
له فالاصايل خبرة ضمار
ابو حمد ما فاته الفوت
له تلتفت فالريس الانظار
والتيم عقب انجازه يموت
ابن مهنا قبل الافطار
للعين سلّم صوره وصوت
لمحرمي يثبت اذا ثار
فعله يخلي العالم اسكوت
