كلمات شيلة والله من الحب ماتوب فهيد النتيفات و عبدالله آل سهل
يا ليل غنيت له والصدر بالشوق مشبوب
والله من الحب ماتوب
لا صار حبه على قلبي مقدر ومكتوب
والحب غلاب وآنا لَ اطرق العود مغلوب
والله من الحب ما اتوب
البارحه عاذله وقّف على باب محبوب
من صوب حايل عذوله والمقادير من صوب
عودت والدمع من عيني على الخد مسكوب
على وليفٍ كسب فيني من الصده اذنوب
كم لي وانا ارسل مكاتيبي ولا رد مكتوب
ما يدري ان خاطري مكسور والحال مسلوب
يا ليت واملا عيوني منْك يا زاهي الثووب
يا زين ياللي عيونك كنّها ساحة احروب
لا عاد قلبك مثل قلبي من اشجانه ايذوب
تعال نسمر مع القمرى على راس مشذوب
