كلمات شيلة ودي اضمك محمد البريكي
كلمات : صلاح باحاج
الحان واداء : محمد البريكي
احبك حب في حد الجنون
انا بك هايم ومعلن جنوني
ولا غيرك على قلبي يمون
ولا غيرك قدر يجذب عيوني
حبيب قلبي لقلبي مصدر انعاشه
لبى خفوقك ولبى حبك العذري
الحب قبلك احس القلب ما عاشه
الا انت حبك احسه زاد في عمري
ياباشة الزين مالك حل ي باشه
قد صار حبك بكل الاورده يجري
مابين خدك وبين الطرف وارياشه
تايه بذاك الحلا والمنظر السحري
وخلك مني قريب
حذاري عني تغيب
واسكن في شراييني
انا في شوفتك طيب
وارحم عين مجنونك
تراها تعشق عيونك
ولفرقاك ما تقوى
ولايحلا لها دونك
عيونك السود للخفاق هواشه
لاجات عيني بعينك قلت يا صبري
حتى حواسي عن الجلاس منحاشه
لامرها طيفك الساري معه تسري
حتى لذيذ المنام الحلو ما حاشه
تغفى عيوني وانت بنومها تطري
ملهوف للقاك ما تكفيني الشاشه
ودي اضمك اذا شفتك على صدري
وخلك مني قريب
حذاري عني تغيب
واسكن في شراييني
انا في شوفتك طيب
وارحم عين مجنونك
تراها تعشق عيونك
ولفرقاك ما تقوى
ولايحلا لها دونك
عسى النسايم تمرك صبح مغباشه
وتجيبلي من جديلك ريحة العطري
ياغرو لانام ينبت ورد بفراشه
وان قام غناء على شباكه القمري
لطيف روح ورقيق ويصعب طناشه
وانا لا قفيت عنه يشتعل صدري
له الاحاسيس طول العمر جياشه
تحلا حياتي معه لو وضعها مزري
وخلك مني قريب
حذاري عني تغيب
واسكن في شراييني
انا في شوفتك طيب
وارحم عين مجنونك
تراها تعشق عيونك
ولفرقاك ما تقوى
ولايحلا لها دونك
