كلمات شيلة ياهل السبّق عزيزين المبادي خالد ال بريك
كلمات مشعل الشويش
ياهل السبّق عزيزين المبادي
كل من له سابقً يحرص عليها
دوّر اللي ركضها ماهوب عادي
واترك العاديّه لمن يهتويها
للركض مبدأ وللميدان نادي
وللنواميس العظيمه مُبدعيها
الحرار تبين في وقت الهدادي
وكنّس العيرات تظهرها يديها
من بغى الناموس قدام العبادي
كلمته لاجاء التحدي يحتميها
لايميل ولايعيل ولايعادي
وكل قمه فالمراجل يعتليها
مثل راشد ل احتمى شوط العنادي
الرموز يتلها عن راس ابيها
نجم بالزفنه على اهل الهجن بادي
وسيرته كل المكارم تحتويها
الحشيم الصامل الشهم القيادي
لا غلي سوم المراجل يشتريها
نومس اهل الطيب من حضر وبوادي
ومثّل عفار العريقه (كل ابيها)
ياعفار اهل المراهيف الحدادي
العزاوي حي منهو يعتزيها
كل مازادوا كبار القوم زادي
ابلجً صعب المواقف مرتهيها
قدّم اللي تكسب المجد الريادي
البكار اللي تنومس مقتنيها
كل ندراً كنها ظبي الحمادي
الرموز الكايده منها وإليها
تلّت الجمهور وبشكل انفرادي
وولعت نار الشقاء بمنافسيها
تفرح الاصحاب وتغيض المعادي
والجماهير الغفيره تحتريها
ل اقلعت فالشوط ماتبغى منادي
كنها ميقً هواها مقتفيها
مثل سلمى فارقه في كل مادي
والسلملك يصدق الترشيح فيها
والزعيم اللي على رمزه يفادي
دايم امتار النهايه يبتديها
واعتبار اسطورة الشوط السيادي
واحترام رموزها يكفي حديها
من ينافس هجن ابوحمدان غادي
فالمزامط رمسته يندم عليها
والله انه حدّر الهقوات وادي
يندب بكاره ويلعن والديها
